Хөгжлийн банк болон "Жаст групп"-тай холбоотой асуудлаар прокурорын байгууллагад хандлаа

Жаст групп" ХК Стандарт банкнаас 2009-2012 онд нийт 160.1 сая ам.долларын зээл авсан. Үүнд "Эрдэнэт үйлдвэр" ХК  баталгаа гаргасан асуудлаар АТГ-т хэрэг бүртгэлт нээгдсэн бөгөөд мөрдөн байцаах ажиллагаа явагдаж байна. 

ЗГХЭГ-ын дарга Л.Оюун-Эрдэнэ төр хохирсон гэж үзэн прокурорын байгууллагад хандаж байгаа талаар мэдээлэл хийлээ. Тэрбээр Хөгжлийн банкны асуудлаар болон "Жаст групп" ХХК-тай холбоотойгоор ийнхүү хандаж байна.

ЗГХЭГ-ын дарга Л.Оюун-Эрдэнэ, "Жаст групп" ХК Стандарт банкнаас 2009-2012 онд нийт 160.1 сая ам.долларын зээл авсан. Үүнд "Эрдэнэт үйлдвэр" ХК  баталгаа гаргасан асуудлаар АТГ-т хэрэг бүртгэлт нээгдсэн бөгөөд мөрдөн байцаах ажиллагаа явагдаж байна. Зээлдэгч "Жаст групп"-тэй холбоотой асуудал Лондоны арбитрын шүүх дээр хандагдаж, "Эрдэнэт үйлдвэр"-ийг баталгаа гаргасан гэж үзэн тус үйлдвэрийн дансыг битүүмжлэх нөхцөл байдал үүссэн. Тиймээс Стандарт банканд төлөх 40 сая ам.долларыг "Эрдэнэт үйлдвэр"-ийн "Эрсдлийн сан"-гаас гаргасан. Үүнд төр хохирсон гэж үзэн прокурорын байгууллагад хандаж байна. Өнөөдрийг хүртэл олон хэргийг араас нь хөөцөлдөж үзэхэд яагаад асуудлууд гарч байгаа нь Эрүүгийн хэрэг шийдвэрлэх тухай, Иргэний хэрэг шүүхэд хянан шийдвэрлэх тухай хуулиудын хугацаат графиктай холбоотой гэж үзэж байна. Үүнийг хэсэг бүлэг хүн хуулиас дээгүүр туйлын овжин ашиглаж байгаа. Хуулийн эдгээр заалтыг нэн яаралтай горимоор өөрчлөхгүй бол Монгол Улсад ял завших асуудал бараг моод болоод байна" гэв. 

Сэтгэгдэл:
Таны IP: (3.93.74.227)
АНХААРУУЛГА: Уншигчдын бичсэн сэтгэгдэлд N24.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.