Их санасан хүнд төрийн жолоог бүү атгуул

Х.Баттулга Монгол Улсад Ерөнхийлөгчийн засаглал тогтоож, хэмжээлшгүй эрхтэйгээр засаглах гэж улаан цайм зүтгэдэг болсны бодит жишээ түүний уриалга гэдгийг түрүүчээсээ онцолж буй.

Ерөнхийлөгч Х.Баттулга төрийн эрх мэдлийг өөртөө төвлөрүүлэх агуулга бүхий уриалга гаргасан нь нийгмийн хамарсан томоохон цэц булаацалдах маргааны сэдэв болж эхэллээ. Анх удаагаа ингэж байгаа юм биш л дээ. Үндсэн хуулийн нэмэлт, өөрчлөлтийг УИХ-аар хэлэлцэх үеэр тэрбээр Ерөнхийлөгч засаглалтай байх уу, Парламентын засаглалтай байх уу гэдгийг ард түмнээсээ асууж шийдвэрлэх шаардлагатай байна гэх саналыг дайж байв. Гэхдээ 1992 онд баталсан Үндсэн хуулийн амин сүнс нь хүний эрх, эрх чөлөө, түүнийг хэрэгжүүлэх гол багана нь парламентын засаглал гэдгийг УИХ-ын гишүүнээр гурвантаа сонгогдсон Х.Баттулга мэдэхгүйдээ ийм үйлдэл хийгээгүй юм.

Харин УИХ-ын гишүүн, Засгийн газрын сайд болсон үеэс сэдэрсэн улс төр, бизнесийн ашиг сонирхол нь өргөжин тэлсээр эцэстээ хэмжээлшгүй эрхт засаглал тогтоох чин хүслээ Ерөнхийлөгчийн байр сууриас илэрхийлэх болсон нь энэ. Уг нь эрхэлж байгаа албан тушаал, Үндсэн хуулиар хүлээсэн үүрэг, ард түмэндээ өргөсөн тангаргаар Х.Баттулга бол эв нэгдлийн илэрхийлэгч. Айлаар тэр өрхийн тэргүүн. Гэвч цаг үеийн нөхцөл шаардлагад тулгуурлан ард түмнээ хагаралдуулж, талцуулдаг, парламентын засаглалаа хүчгүйдүүлдэг хамгийн бодит жишээ нь Ерөнхийлөгч Х.Баттулга өөрөө байх болов.

Эхлээд тэр утааны асуудлыг шүүрэн авч УИХ-ыг тараах асуудлыг хөндсөн. Дараа нь БНХАУ, ОХУ тэргүүтэй ШХАБ-д Монгол Улс элсэх цаг болсныг мэдэгдсэн. Сайд байх үеэсээ “Нарийн царигтай төмөр замтай болчихвол хятадууд танк оруулж ирнэ” гэх айдсыг ард түмний тархинд хар тамхи мэт нэвчүүлсэн тэрбээр Ерөнхийлөгч болсныхоо дараа БНХАУ-ын санаачилгаар үүсгэн байгуулсан ШХАБ-д ажиглагчийн байр суурьтай явсан Монгол Улсыг гишүүн орноор элсэх цаг болсныг “зарласан”-д гайхах хүн олон байсан юм.

Тухайн үед ШХАБ-д жинхэлсэн тохиолдолд хоёр хөршөөсөө бүр их хамааралтай, барьцаанд орох магадлал нь өндөр. НҮБ-д ОХУ-аас оруулах АНУ-ын эсрэг тогтоолд дэмжлэг хүсдэг, дэмжээгүй тохиолдолд Монгол-Оросын харилцаа, худалдаанд оросууд эл гишүүнчлэлийг нь зэвсэг болгон ашиглавал яах вэ?. АНУ-ын эсрэг Оросын талд зогсоогүйнх нь төлөө бензин шатахууны худалдааг хэдэн өдрөөр саатуулахад Монголын дотоод байдал орвонгоороо эргэнэ. Энэ тухай Монголд төсөөлсөн хүн байхгүй гэдгийг туршлагатай дипломатчид, судлаачид анхааруулж байсан юм.

Харин энэ удаад Ерөнхийлөгч Х.Баттулга төрийн эрх мэдлийг өөртөө төвлөрүүлэх тухай хоёр дахиа санал гаргасан нь зүгээр ч нэг давхцал биш байв. Эсрэгээрээ уриалга нэрийн үүссэн нөхцөл байдалд дөрөөлөн дангаараа засаглах сонирхлоо гүйцэлдүүлэх явуургүй арга гэдгийг хуульчид хэлж байна. Цаашлаад Х.Баттулга Монгол Улсад Ерөнхийлөгчийн засаглал тогтоож, хэмжээлшгүй эрхтэйгээр засаглах гэж улаан цайм зүтгэдэг болсны бодит жишээ түүний уриалга гэдгийг түрүүчээсээ онцолж буй. Тэр нь ч үнэний ортой.

Учир нь, коронавирусийн цар тархалттай холбоотойгоор Засгийн газар, Улсын онцгой комиссын төвшинд холбогдох арга хэмжээг цаг тухай бүрт нь шуурхай авч буй. Сайн ч ажиллаж байна. Гэтэл дайны хажуугаар дажин гэгчээр Засгийн газрын ажлыг “Надад төвлөрүүлэх шаардлагатай байна” хэмээн тулгах болсон Ерөнхийлөгч Х.Баттулгын уриалгыг хэрэгжүүлэх бодит шалтгаан өнөөдөр алга. Тийм шаардлага ч гарахгүй болов уу.

Тэгэхээр сонгуулийг хойшлуулах Ерөнхийлөгчийн уриалга ердөө мөсөн уулын орой нь байсан бололтой. Харин түүгээр дамжуулан “Хямралын нөхцөлд зохицуулан төрийн удирдлагыг төвлөрүүлэх” гэх өгүүлбэр нь Х.Баттулгыг Ерөнхийлөгчөөр ажиллах хугацаандаа хуулиар олгосон бүрэн, түүгээр хүлээсэн үүргээ хараахан ухамсарлаагүйг харууллаа. Их санасан хүнд төрийн жолоог бүү атгуул гэдэг шиг Ерөнхийлөгчийн албан тушаалаар дамжуулан төрийн эрх мэдлийг өөртөө авахаар санаархах бүрт нь түүнийг том гэхээсээ жижигхэн сумын улстөрчийн төвшинд харагдуулж байгааг энд сануулах хэрэгтэй.

Сэтгэгдэл: (7)
Таны IP: (18.234.247.75)
АНХААРУУЛГА: Уншигчдын бичсэн сэтгэгдэлд N24.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Zochin (193.154.114.10) 2020-03-28 23:51:31
Yag unen 76 ue udamaaraa idej bna odooo 1l hun idvel bolno bur zuvshuurvul yah bol nuguu hovdgiin heden gai sharn butslaad uheh vii
Zochin (192.82.77.71) 2020-03-28 18:45:05
Yadgiin be.76 ergvv mal idsenees gants hvn arai hyamalttai ideh bhaa.
(118.103.197.49) 2020-03-27 14:54:02
Хулгайч ч гэсэн гадаад бодлого, эх орондоо хайртай байх тал дээр Элбэгдорж дээр байжээ. Энэ хүн чинь улс орныг маань хорлоод л байх шиг бн даа.
0 1 Хариулах
Даш (122.201.31.192) 2020-03-27 14:54:02
Харин ч эсрэгээрээ байх шүү
(59.153.113.72) 2020-03-27 14:24:32
Аль эрт огцрох болзлоо хангачихсан хүн!!
(59.153.113.72) 2020-03-27 14:24:28
Аль эрт огцрох болзлоо хангачихсан хүн!!
(59.153.113.72) 2020-03-27 14:24:24
Аль эрт огцрох болзлоо хангачихсан хүн!!