ЭЕШ: 10 хичээлийн ерөнхий төлөвлөгөө батлагджээ

Энэ жилийн ЭЕШ-д Монгол хэл, Англи хэл, Орос хэлний хичээлүүдийн сонсоод ойлгох чадварыг шалгах даалгавруудыг шалгалтад оруулахгүй байх зохицуулалтыг хийжээ.

УОК-ын өргөтгөсөн хуралдаанд БСШУС-ын сайд Ё.Баатарбилэг оролцож, элсэлтийн ерөнхий шалгалтыг долоодугаар сарын 2-5-нд зохион байгуулах саналтай байгаагаа танилцуулсан.  Энэ саналыг УОК-ын гишүүд дэмжсэн бөгөөд эцсийн шийдвэрийг Засгийн газрын хуралдаанаар гаргах юм байна. Ямартай ч их, дээд сургуульд элсэгчдийн элсэлтийн ерөнхий шалгалт долдугаар сарын эхний долоо хоногт багтаж зохион байгуулагдах товтой байна. Тиймээс ЭЕШ-д бэлтгэн суугаа элсэгчдэд хэрэгтэй зарим мэдээллийг  Боловсролын үнэлгээний төвтэй хамтран хүргэж байна. 

Элсэгчид бүртгэлийн хуудсаа хаанаас, хэзээ авахыг хэлж өгье.  2020 онд ЕБС төгсөж буй шалгуулагчид  www.eec.mn цахим хуудасны “Шалгуулагчийн булан”-гаас QR код бүхий бүртгэлийн хуудсаа хэвлэн авч сургуулийн захирлаар гарын үсэг зуруулан тамга даруулж баталгаажуулна. Харин өмнөх онд төгссөн шалгуулагчийн бүртгэлийн хуудас нь QR кодоор баталгаажсан байх бөгөөд шууд хэвлэн авна. Харин суудлын хуваарь буюу ЭЕШ  өгөх шалгалтын байр, анги танхим, суудлын хуваарийг баталгаажуулсан хуудсаа өөрийнхөө бүртгэлийн дугаар болон нууц үгийг ашиглан www.eec.mn цахим хуудасны “шалгуулагчийн булан”-аас хэвлэн авах юм байна. Хугацааны хувьд, зургадугаар сарын 1-нээс суудлын хуваариа хэвлэж аваарай хэмээн зөвлөж байна.

Энэ онд ЭЕШ өгөх 10 хичээлийн ерөнхий блюпринт батлагдсан байна. Блюпринт нь тухайн шалгалтын зорилгоосоо хамаарч судлагдахууны агуулгын хүрээнд, даалгаврыг гүйцэтгэх хугацааг тооцон хэдэн даалгавраар шалгалт авах вэ гэсэн даалгаврын бүтцийг тодорхойлсон үнэлгээний баримт бичиг юм. Харин энд нэг зүйлийг онцлоход, энэ жилийн ЭЕШ-д Монгол хэл, Англи хэл, Орос хэлний хичээлүүдийн сонсоод ойлгох чадварыг шалгах даалгавруудыг шалгалтад оруулахгүй байх зохицуулалтыг хийсэн байна.

Сэтгэгдэл: (8)
Таны IP: (3.228.21.204)
АНХААРУУЛГА: Уншигчдын бичсэн сэтгэгдэлд N24.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
ЛХАГВА (202.55.188.81) 2020-05-30 23:18:05
Заалний дугаар болон суудлийн хувиар гарж ирэхгүй юм
gantsetseg (202.55.188.39) 2020-05-29 00:26:50
хувиараа өгч бгаа хүүхдүүд нь заавал сургуулийн захиралаар заавал гарын үсэг зурж баталгаажуулах юму
Дөлгөөн (66.181.161.46) 2020-05-29 00:16:53
Сонсох даалгавар оруулахгүй байх шийдвэр зөв2
Баттулга Саружлтѳгс (202.126.89.241) 2020-05-27 14:35:01
хувиараа түрүү жил эеш ѳгсѳн энэ жил бас ѳгч бгаа юма тгд хувиараа ѳгч байгаа хүмүүс заавал орох гэж байгаа сургуулийн захирлаар гарын үсэг зуруулах юму
0 2 Хариулах
Zochin (192.82.65.161) 2020-05-27 14:35:01
Харин өмнөх онд төгссөн шалгуулагчийн бүртгэлийн хуудас нь QR кодоор баталгаажсан байх бөгөөд шууд хэвлэн авна.
fg (66.181.161.93) 2020-05-27 14:35:01
harin yaaah yum bolooo
Баттулга Саружлтѳгс (202.126.89.241) 2020-05-27 14:35:01
хувиараа түрүү жил эеш ѳгсѳн энэ жил бас ѳгч бгаа юма тгд хувиараа ѳгч байгаа хүмүүс заавал орох гэж байгаа сургуулийн захирлаар гарын үсэг зуруулах юму
0 1 Хариулах
(202.126.88.41) 2020-05-27 14:35:01
ugui ee tsaanaasaa QR kodoor batalgaajsan bga garin vseg zuruulah shaardlagagvi