БГД-ийн Засаг даргад Ө.Сумъяабаатарыг 100 хувийн саналаар дэмжиж, нэр дэвшүүллээ

БГД-ийн Засаг даргад Ө.Сумъяабаатарыг 100 хувийн саналаар дэмжиж, нэр дэвшүүллээ

Өнөөдөр БГД-ийн ИТХ-ын анхдугаар хуралдаан хоёр дахь өдрөө үргэлжилж байна. Хуралдаанаар 41 төлөөлөгчийнхөө  тэмдгийг нь гардуулж, батламжиллаа. Үүний дараа хэлэлцэх асуудлын дарааллын дагуу ДИТХ-ын даргыг сонгох асуудал хэлэлцэгдсэн бөгөөд МАН-аас Б.Сэмжидмааг нэр дэвшүүлж нээлттэй санал хураалтаар 56 хувийн саналаар Дүүргийн Иргэдийн Төлөөлөгчдийн Хурлын даргаар сонгогдлоо. Түүнчлэн уг хуралдаанаар дүүргийн Засаг даргын асуудлыг хэлэлцэж, НИТХ-ын төлөөлөгч Ө.СУМЪЯАБААТАРЫГ 100 хувийн саналаар дэмжиж, нэр дэвшүүллээ.

Нэр дэвшигч Ө.СУМЪЯАБААТАР гэж хэн бэ?

 Өлзий-Орших овогтой Сумъяабаатар, 40 настай

Гэр бүлийн байдал: Эхнэр, гурван хүүхдийн хамт амьдардаг

Боловсрол: Улс төр судлаач, нийгмийн ухааны багш мэргэжилтэй, Төрийн удирдлагын менежер мэргэшилтэй, Улс төр судлал, Бизнесийн удирдлага, ОУ-ын харилцааны магистр зэрэгтэй.
Ажлын туршлага:
2001-2005 онд ШУА-ийн Филисофи Социологи Эрхийн Хүрээлэнгийн улс төр судлалын секторт эрдэм шинжилгээний ажилтан

2005-2008 онд МАН-ын Ерөнхий нарийн бичгийн даргын туслах, Ерөнхий сайдын шадар туслах, ЗГХЭГ-ын шинжээч

2011-2013 онд ШУА-ийн Олон улс судлалын хүрээлэнд эрдэм шинжилгээний ажилтан, Нийгэм улс төрийн судалгааны Социометр төвийн Гүйцэтгэх захирал

2013-2014 онд Сургалт судалгааны Стратеги академийн орлогч захирал

2014-2016 онд Байгаль орчин, ногоон хөгжил аялал жуулчлалын яамны Төрийн захиргаа удирдлагын газрын дарга, “Цэнгэг усны нөөц, байгаль хамгаалах төв” Улсын төсвийн үйлдвэрийн газрын захирал

2016-2019 онд “Эрдэнэс-Тавантолгой” ХК-ийн Захиргаа удирдлагын газрын захирал

2019-2020 онд БСШУС-ын сайдын зөвлөх

2020 оны долдугаар сараас БШУ-ны сайдын зөвлөхөөр ажиллаж байна.

Сонгуульт ажил:

2012-2016 онд Баянгол дүүргийн ИТХ-ын Төлөөлөгч, тэргүүлэгч,

2016-2020 онд Баянгол дүүргийн ИТХ-ын төлөөлөгч, ИТХ дахь МАН-ын бүлгийн дарга

2020 оны 10 дугаар сараас Нийслэлийн Иргэдийн Төлөөлөгчдийн Хурлын Төлөөлөгчөөр ажиллаж байна

Сэтгэгдэл: (1)
Таны IP: (3.94.21.209)
АНХААРУУЛГА: Уншигчдын бичсэн сэтгэгдэлд N24.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
зочин (202.21.108.13) 2020-11-05 19:56:01
дарга болох амархан хариуцлага амлалт итгэл зүтгэл хэрэгтэй шүү