Хүүхэд шиг загнуулсан Хууль зүйн сайд

“Яагаад улстөржөөд байна нөхөр минь, би чамайг шүүхэд өгнө”

Өчигдөр шинэ Ерөнхий сайд танхимын сайд нараа Ерөнхийлөгчид бараалхуулсан. Ерөнхийлөгч ч шинэ сайд нарт үүрэг даалгавар, захих захиасаа сайн гэгч нь захиж хэлэхийг сонсож хэсэгтээ л уярав. Гэтэл УИХ-ын гишүүн, Хууль зүй, дотоод хэргийн сайд Х.Нямбаатар орж ирэхтэй зэрэгцэн “Яагаад улстөржөөд байна нөхөр минь, би чамайг шүүхэд өгнө” гэсэн нь арай л хэтийдсэн “драм” байлаа. Үүнээс улбаалан нэг хэсэг нь хэдэн өдөр “Х.Нямбаатар Ерөнхийлөгчид хүүхэд шиг загнуулаад гарлаа” гэж байхад нөгөө хэсэг нь “Х.Нямбаатарын зөв. Төр төмбөгөр, ёс ёмбогор шүү дээ” гэсэн нийгмийн талцал бий болов. Өнцөгийг нь харвал Х.Нямбаатарын зөв. Монгол Улсын Ерөнхийлөгчид бараалхаж байж өөдөөс нь өрвөлзөөд, сарвалзаад байвал лав л ард түмэнд таалагдахгүй. Тэр жудагтай юм. Бас хүлээцтэй юм.

Яг нарийндаа Ерөнхийлөгч маань УИХ-ын чуулган дээр хэлсэн Х.Нямбаатарын үгэнд ингэтлээ ач холбогдол өгсөн юм бол биш. “Монгол Улсын шүүхийн тухай хууль”-ийн гол автор нь Х.Нямбаатар болохоор хатуурхсан гэж улстөрийн хүрээнийхэн шивэр, авир хийх. Үнэний ортой л дүр зураг. Эрх мэдлийг нь хумьж, далласан газар нь ил гарч, далайсан газар нь далд ордог шүүгчдийг өөрөөс нь салгаад шударга шүүхийн институцийг бий болгох эхлэлийг тавьчихаар ямар ч хүн дургүйлхэх нь аргагүй. Х.Нямбаатар нэг өдөр л загнуулаад, зануулаа биз. Харин Монгол Улс, ард түмэнд энэ хууль хичнээн их ач тустайг наад захын хуульч нь хэлээд өгнө.

“Монголын төр зүтгэсэн хүндээ хатуу” гэж үг бий. “Улстөр рүү шагайсан л бол сайн нэр хичээж зүүдэггүй” гэж Английн улстөрч өгүүлсэн байдаг. Энэ бүгдийн шүүлтүүр нь цаг хугацаа өөрөө юм. Хэн нэгний татаасаар дээш гараагүй, гарах ч үгүй Хууль зүй, дотоод хэргийн сайд маань аалзны тор шиг сүлжилдсэн бохир улстөрд улстөрчийн торгон мэдрэмж, нарийн ухаанаараа сийлж л яваа. Эрх ашгийг нь хөндөж, эрэмбэ дарааг нь алдуулаад байгаад зарим нэг нь дургүйлхэж түүнийг хэн ч болгохыг хүсдэг. Харин ард түмэн, нийгэм үргэлж үнэний талд зөвийг дэмждэг болохоор түүний талд зогсдог.

Эцэст нь Х.Нямбаатар богино хугацаанд томоохон хуулиудыг шинэчлэн батлуулж, Хууль зүй, дотоод хэргийн яамыг бодлогын хэмжээнд шинэчилж чадсан нь түүнийг дараагийн Засгийн газарт “чанартай үлдсэн” цор ганцаар сайдаар нэрлэхэд хүргэлээ. Тэр жудагтай юм. Жудаг, цадигаа гээлгүй үргэлж шударгын төлөө “шүгэл үлээгээрэй” Х.Нямбаатар сайд аа...

Сэтгэгдэл: (6)
Таны IP: (3.238.36.32)
АНХААРУУЛГА: Уншигчдын бичсэн сэтгэгдэлд N24.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Дэмжигч (66.181.161.88) 2021-02-03 02:50:35
Сайдаа амжилт хүсье
Засс (122.201.31.35) 2021-02-02 22:07:11
Засс
(150.129.142.159) 2021-02-02 14:47:59
юунынх нь хүүхэд шиг загнуулах, хууль зүйн сайд бол нотолгоо баримттай ярих.Хэрэв ярьсан нь үнэн бол хамгаалах хэрэгэтэй
Иргэн (202.126.88.206) 2021-02-02 12:20:57
Баттулгыг ажил хийхгүй байна төмөр зам яав гээд Элбэгдорж загнаад сууж байсан нь саяхан. Нямбаатарыг бол Баттулга өөрийх нь ашиг сонирхол эрх мэдлийг хумьлаа гэж занаж загнасан шүү дээ цаанаа бол. Хууль зүйн сайд ард түмний төлөө ажилласандаа ажиллаж хүчтэй байх хэрэгтэй шүү.
Дэмжигч (124.158.107.6) 2021-02-02 11:11:21
Амалсандаа хүрдэг эцэг хүн, эр хүн, улс төрч дөө.
Шударга ёсны хүсэмж (103.26.194.180) 2021-01-31 23:06:36
Нямбаатар сайдад итгэж байгаа. Ажилд нь амжилт хүсэе